კეთილი იყოს თქვენი მობრძანება საქართველოში

სამოგზაურო ინფორმაცია და კოშერული საკვები საქართველოში

შაბათი საქართველოში?

სპეციალური შაბათის სადილი

საქმიანობაში დახმარება

თბილისის ჩადიდი ახორციელებს რეგულარულ მოქმედებებს ადგილობრივი თემისა და თბილისში ჩამოსული ებრაელი ტურისტების დასახმარებლად

ჩვენი ადგილმდებარეობა

ჩვენი Facebook

Used for the like, share, comment, and reaction icons

თორის საკვირაო თავი ,,ვაიეცე“
...,, და ესიზმრა: აი, კიბეა დადგმული მიწაზე, მისი წვერო კი ცას აღწევს...“(28:12)
იეჰუდა-ლეიბ გრონერის მოგონებებიდან:
1. ,,1994 წელი სრულდებოდა. მონრეალიდან დამირეკეს. ცნობილი სამი ხასიდი რავინი — მენახემ-ზეევ გრინგლასი, იცხაკ ენდელი და ფინხას გირშპრუნგი მათთან ჩასვლას მთხოვდა. მეგობრებმა მითხრეს, რომ 3 თამუზის (დღე, როდესაც რებემ ეს სამყარო დატოვა) შემდეგ ხასიდების განწყობა გაუარესდა, სულისკვეთება აღარ იგრძნობოდა და ადამიანებს გამხნევება ესაჭიროებოდათ. წლების მანძილზე ძალიან დაკავებული ვიყავი ჩემი საქმიანობით, ნიუ-იორკი თითქმის არასდროს დამიტოვებია, ამიტომაც ასეთი ვიზიტის მიზანშეწონილობაში ახლაც ეჭვი მეპარებოდა.
ამ საუბრიდან ორი დღის შემდეგ საოცარი სიზმარი მესიზმრა: რებეს კაბინეტში ვიდექი, იქ ბევრი ქალბატონი იყო, რომლებიც თეჰილიმს კითხულობდნენ. უცებ კარი გაიღო და ზღურბლზე რებე გამოჩნდა. მან მე მომმართა, მითხრა, რომ დღის ლოცვის ჩატარებას კაბინეტში აპირებდა და მთხოვა მისთვის ადგილი მომემზადებინა. იქვე დასძინა, რომ ილოცებდა კაბინეტის მარცხენა მხარეს, ფანჯარასთან და არა მარჯვენა მხარეს.
მე ქალბატონებს ოთახი დავატოვებინე და ათი ხასიდი ლოცვის ჩასატარებლად მოვიხმე. ამის შემდეგ რებემ საწერ მაგიდასთან მიმიწვია, უჯრა გამოსწია, ორი ახალთახალი ერთდოლარიანი ბანკნოტი გამომიწოდა და მხოლოდ მისთვის დამახასიათებელი ღიმილით მითხრა: ,,წარმატებები მონრეალში.“
დილით ყველაფერზე პასუხი მქონდა... მონრეალის უახლოეს რეისზე ბილეთი სასწრაფოდ შევუკვეთე.

2. ერთხელ, ერთ-ერთ ხასიდს რებე რაიაცი ესიზმრა და რაღაც მითითება მისცა. ხასიდი არ იყო დარწმუნებული, შეესრულებინა თუ არა რებეს მითითება, ამიტომ გადაწყვიტა რჩევა მეშვიდე ლუბავიჩელი რებესთვის ეკითხა. რებეს ძალიან გაუკვირდა ასეთი შეკითხვა და უთხრა: ,,რებე რაიაცი უმაღლესი სამყაროდან პირდაპირ შენ გამოგეცხადა და ამის შემდეგ კიდევ ფიქრობ შეასრულო თუ არა მისი მითითება?“

შენიშვნა: იეჰუდა-ლეიბ გრონერი (1931-2020), ამერიკელი ხასიდი და მასწავლებელი, 44 წლის მანძილზე მეშვიდე ლუბავიჩელი რებეს პირადი მდივანი.

შაბათ შალომ! რავ მეირ კოზლოვსკი
შაბათის შემობრძანება: 17:14
შაბათის გასვლა: 18:17
... See MoreSee Less

თორის საკვირაო თავი ,,ვაიეცე“
...,, და ესიზმრა: აი, კიბეა დადგმული მიწაზე, მისი წვერო კი ცას აღწევს...“(28:12)
იეჰუდა-ლეიბ გრონერის მოგონებებიდან:
1. ,,1994 წელი სრულდებოდა. მონრეალიდან დამირეკეს. ცნობილი სამი ხასიდი რავინი — მენახემ-ზეევ გრინგლასი, იცხაკ ენდელი და ფინხას გირშპრუნგი მათთან ჩასვლას მთხოვდა. მეგობრებმა მითხრეს, რომ 3 თამუზის (დღე, როდესაც რებემ ეს სამყარო დატოვა) შემდეგ ხასიდების განწყობა გაუარესდა, სულისკვეთება აღარ იგრძნობოდა და ადამიანებს გამხნევება ესაჭიროებოდათ. წლების მანძილზე ძალიან დაკავებული ვიყავი ჩემი საქმიანობით, ნიუ-იორკი თითქმის არასდროს დამიტოვებია, ამიტომაც ასეთი ვიზიტის მიზანშეწონილობაში ახლაც ეჭვი მეპარებოდა. 
ამ საუბრიდან ორი დღის შემდეგ საოცარი სიზმარი მესიზმრა: რებეს კაბინეტში ვიდექი, იქ ბევრი ქალბატონი იყო, რომლებიც თეჰილიმს კითხულობდნენ. უცებ კარი გაიღო და ზღურბლზე რებე გამოჩნდა. მან მე მომმართა, მითხრა, რომ დღის ლოცვის ჩატარებას კაბინეტში აპირებდა და მთხოვა მისთვის ადგილი მომემზადებინა. იქვე დასძინა, რომ ილოცებდა კაბინეტის მარცხენა მხარეს, ფანჯარასთან და არა მარჯვენა მხარეს. 
მე ქალბატონებს ოთახი დავატოვებინე და ათი ხასიდი ლოცვის ჩასატარებლად მოვიხმე. ამის შემდეგ რებემ საწერ მაგიდასთან მიმიწვია, უჯრა გამოსწია, ორი ახალთახალი ერთდოლარიანი ბანკნოტი გამომიწოდა და მხოლოდ მისთვის დამახასიათებელი ღიმილით მითხრა: ,,წარმატებები მონრეალში.“ 
დილით ყველაფერზე პასუხი მქონდა... მონრეალის უახლოეს რეისზე ბილეთი სასწრაფოდ შევუკვეთე.

2. ერთხელ, ერთ-ერთ ხასიდს რებე რაიაცი ესიზმრა და რაღაც მითითება მისცა. ხასიდი არ იყო დარწმუნებული, შეესრულებინა თუ არა რებეს მითითება, ამიტომ გადაწყვიტა რჩევა მეშვიდე ლუბავიჩელი რებესთვის ეკითხა. რებეს ძალიან გაუკვირდა ასეთი შეკითხვა და უთხრა: ,,რებე რაიაცი უმაღლესი სამყაროდან პირდაპირ შენ გამოგეცხადა და ამის შემდეგ კიდევ ფიქრობ შეასრულო თუ არა მისი მითითება?“

შენიშვნა: იეჰუდა-ლეიბ გრონერი (1931-2020), ამერიკელი ხასიდი და მასწავლებელი, 44 წლის მანძილზე მეშვიდე ლუბავიჩელი რებეს პირადი მდივანი. 

შაბათ შალომ! რავ მეირ კოზლოვსკი
შაბათის შემობრძანება: 17:14
შაბათის გასვლა: 18:17

Comment on Facebook

שבת שלום🙏🙏

Shabat shalom

შაბათ შალომ!🙏✡️🎉

თორის საკვირაო თავი ,,თოლდოთ“
,,იცხოვრე ამ ქვეყანაში და მე ვიქნები შენთან“ (26:3)

წერილი...
იოსეფ დავიდმა ერეც ისრაელში ასვლა გადაწყვიტა. გამგზავრების წინ ის გამოსამშვიდობებლად თავის მასწავლებელთან — რავ ხაიმთან (ორ ახაიმ ჰაკადოში) მივიდა. რავ ხაიმს ძალიან გაუხარდა მოსწავლის ნახვა, დალოცა, მშვიდობიანი მგზავრობა უსურვა და იერუსალიმის გოდების კედელში ჩასატოვებლად პატარა წერილი გაატანა. იოსეფ დავიდმა მასწავლებელს მადლობა გადაუხადა, წერილი გამოართვა და საგულდაგულოდ დამალა. მეორე დღეს იოსეფ დავიდი იერუსალიმისკენ მიმავალ გზას დაადგა. ერეც ისრაელამდე ჩასაღწევად თითქმის ერთი თვე დასჭირდა. იოსეფ დავიდმა ჩასვლისთანავე გადაწყვიტა, რომ შემოწირულობებს არ დასჯერდებოდა და ლუკმა-პურის სამყოფ ფულს თავად იშოვიდა. ის იერუსალიმში დასახლდა, სახედარი იყიდა და წვრილმანებით ვაჭრობა დაიწყო. მთელი დღე იერუსალიმის ცხელ ქუჩებში დაწოწიალობდა და თვიდან თვემდე თავი ძლივს გაჰქონდა. ერთ მშვენიერ დღესაც სახედარმა ვერ გაუძლო ჯაფას და სული დალია. სახედართან ერთად გაქრა იოსეფ დავიდის შემოსავალიც. დადარდიანდა იოსეფ დავიდი და თავისი გასაჭირის მიზეზს თავისსავე საქციელებში ეძებდა. ერთხელ, იმ იმედით, რომ შარვლის გარღვეულ ჯიბეში ერთ გროშს მაინც მონახავდა, ტანსაცმელში ქექვა დაიწყო. აი, მაშინ იპოვნა რავ ხაიმის წერილი, რომელიც, წესით და რიგით, იერუსალიმის კედლის ძველ ქვებს შუა ორი წლის დადებული უნდა ყოფილიყო.
შეწუხდა იოსეფ დავიდი, წერილი მაგრად ჩაიბღაუჯა და გოდების კედელთან თავქუდმოგლეჯილი გაიქცა. მივიდა წმინდა ადგილზე, წერილი ქვების ღრიჯოში რუდუნებით მოათავსა, თავი ვეღარ შეიკავა და ცხარედ ატირდა. სიახლოვეში იერუსალიმის ერთ-ერთი ცნობილი იეშივის ხელმძღვანელი ლოცულობდა. შეამჩნია იოსეფ დავიდის გულამოსკვნილი ტირილი და მიზეზი ჰკითხა. -,,ეჰ, აბა რა გითხრათ, ჩემი ცოდვები გამახსენდა დღეს“ — უპასუხა იოსეფ დავიდმა და უცნობ რავინს თავისი გასაჭირი და წერილის ამბავი მოუყვა.
-სად დადე წერილი გახსოვს? შეგიძლია წამაკითხო? — იოსეფ დავიდმა უცნობს გაკვირვებულმა შეხედა, მერე თავი დაუქნია და წერილზე მიანიშნა. რავინმა წერილი გამოიღო, ფრთხილად გახსნა და ხმამაღლა წაიკითხა: ,,ღმერთო ყოვლისშემძლევ, ღმერთო დიდო და მაღალო! მე რავ ხაიმი უმორჩილესად გთხოვ, დაეხმარე ჩემს მოსწავლე იოსეფ დავიდს, გთხოვ, მოდი მის საშველად!“
ცოტა ხანი ორივე დუმდა...
მეორე დღეს იოსეფ დავიდი იერუსალიმის ცნობილ იეშივაში მელამედად აიყვანეს.
შაბათ შალომ! რავ მეირ კოზლოვსკი
შაბათის შემობრძანება —17:18
შაბათის გასვლა — 18:20
... See MoreSee Less

თორის საკვირაო თავი ,,თოლდოთ“
,,იცხოვრე ამ ქვეყანაში და მე ვიქნები შენთან“ (26:3)

წერილი...
იოსეფ დავიდმა ერეც ისრაელში ასვლა გადაწყვიტა. გამგზავრების წინ ის გამოსამშვიდობებლად თავის მასწავლებელთან — რავ ხაიმთან (ორ ახაიმ ჰაკადოში) მივიდა. რავ ხაიმს ძალიან გაუხარდა მოსწავლის ნახვა, დალოცა, მშვიდობიანი მგზავრობა უსურვა და იერუსალიმის გოდების კედელში ჩასატოვებლად პატარა წერილი გაატანა. იოსეფ დავიდმა მასწავლებელს მადლობა გადაუხადა, წერილი გამოართვა და საგულდაგულოდ დამალა. მეორე დღეს იოსეფ დავიდი იერუსალიმისკენ მიმავალ გზას დაადგა. ერეც ისრაელამდე ჩასაღწევად თითქმის ერთი თვე დასჭირდა. იოსეფ დავიდმა ჩასვლისთანავე გადაწყვიტა, რომ შემოწირულობებს არ დასჯერდებოდა და ლუკმა-პურის სამყოფ ფულს თავად იშოვიდა. ის იერუსალიმში დასახლდა, სახედარი იყიდა და წვრილმანებით ვაჭრობა დაიწყო. მთელი დღე იერუსალიმის ცხელ ქუჩებში დაწოწიალობდა და თვიდან თვემდე თავი ძლივს გაჰქონდა. ერთ მშვენიერ დღესაც სახედარმა ვერ გაუძლო ჯაფას და სული დალია. სახედართან ერთად გაქრა იოსეფ დავიდის შემოსავალიც. დადარდიანდა იოსეფ დავიდი და თავისი გასაჭირის მიზეზს თავისსავე საქციელებში ეძებდა. ერთხელ, იმ იმედით, რომ შარვლის გარღვეულ ჯიბეში ერთ გროშს მაინც მონახავდა, ტანსაცმელში ქექვა დაიწყო. აი, მაშინ იპოვნა რავ ხაიმის წერილი, რომელიც, წესით და რიგით, იერუსალიმის კედლის ძველ ქვებს შუა ორი წლის დადებული უნდა ყოფილიყო. 
შეწუხდა იოსეფ დავიდი, წერილი მაგრად ჩაიბღაუჯა და გოდების კედელთან თავქუდმოგლეჯილი გაიქცა. მივიდა წმინდა ადგილზე, წერილი ქვების ღრიჯოში რუდუნებით მოათავსა, თავი ვეღარ შეიკავა და ცხარედ ატირდა. სიახლოვეში იერუსალიმის ერთ-ერთი ცნობილი იეშივის ხელმძღვანელი ლოცულობდა. შეამჩნია იოსეფ დავიდის გულამოსკვნილი ტირილი და მიზეზი ჰკითხა. -,,ეჰ, აბა რა გითხრათ, ჩემი ცოდვები გამახსენდა დღეს“ — უპასუხა იოსეფ დავიდმა და უცნობ რავინს თავისი გასაჭირი და წერილის ამბავი მოუყვა. 
-სად დადე წერილი გახსოვს? შეგიძლია წამაკითხო? — იოსეფ დავიდმა უცნობს გაკვირვებულმა შეხედა, მერე თავი დაუქნია და წერილზე მიანიშნა. რავინმა წერილი გამოიღო, ფრთხილად გახსნა და ხმამაღლა წაიკითხა: ,,ღმერთო ყოვლისშემძლევ, ღმერთო დიდო და მაღალო! მე რავ ხაიმი უმორჩილესად გთხოვ, დაეხმარე ჩემს მოსწავლე იოსეფ დავიდს, გთხოვ, მოდი მის საშველად!“ 
ცოტა ხანი ორივე დუმდა...
მეორე დღეს იოსეფ დავიდი იერუსალიმის ცნობილ იეშივაში მელამედად აიყვანეს. 
შაბათ შალომ! რავ მეირ კოზლოვსკი
შაბათის შემობრძანება —17:18
შაბათის გასვლა — 18:20

ქისლევის როშ ხოდეში
თუ თიშრეიდან ავითვლით, ქისლევი ებრაულ კალენდარში მესამე თვეა, ხოლო ნისანიდან ათვლისას- მეცხრე. შეესაბამება ნოემბერ-დეკემბერს, ქისლევი 29 ან 30 დღიანია. ქისლევის როშ ხოდეში შეიძლება იყოს ერთდღიანი ან ორდღიანი, რაც დამოკიდებულია მისი წინამორბედ თვეზე — ხეშვანზე.
ქისლევის თანავარსკვლავედი არის კეშეტი (,,მშვილდოსანი“), რაც ივრითიდან თარგმანში ნიშნავს ,,მშვილდს“ ან ,,ცისარტყელას.“ როგორც ცნობილია, ყველაზე პირველი ცისარტყელა ცაზე ქისლევის თვეში გამოჩნდა, რომელიც უზენაესმა ნოახს წარღვნის დასასრულის ნიშნად გამოუგზავნა: ,, მე გაძლევ ჩემს ცისარტყელას და ის იქნება ნიშანი ჩემსა და დედამიწას შორის კავშირისა“ (ბერეშით, 9). გადმოცემის თანახმად, ეს სიტყვები ნოახმა ქისლევის როშ ხოდეშში მოისმინა. თვეს შეესაბამება ასო - სამეხ, მუხლი - ბინიამინის, გრძნობა -ძილი (შეინა).
თორაში ნახსენები ყველა სიზმარი შედის იმ საკვირაო თავებში, რომლებიც ქისლევში იკითხება. როცა ადამიანი ჰაშემზე ბოლომდეა მინდობილი, ის კარგ სიზმრებს ხედავს. ღამით კარგი სიზმარი დღის მანძილზე კარგი აზრების გარანტიაა, ამიტომაც ამბობენ ხასიდები: ,,იფიქრე კარგად და მოხდება კარგი.“
ქისლევში აღინიშნება ბრძენების მიერ დადგენილი დღესასწაული ხანუქა. ხაშმონელების პერიოდში 25 ქისლევს მოხდა ბერძნების მიერ წაბილწული ტაძრის განახლება. ამიტომ ხანუქის დღესასწაული 25 ქისლევს იწყება.
ამ თვეში დაბადებული ადამიანები უსაზღვრო ოპტიმიზმითა და პოზიტიური ხასიათით არიან დაჯილდოებულნი. ისინი მშვიდი, პატიოსანი, პირდაპირი ადამიანები არიან და არ მალავენ საკუთარ მოსაზრებებს. კომუნიკაბელურობა და გულგახსნილობა კი მათ ცხოვრების სირთულეებთან გამკლავებაში ეხმარება.
ქისლევის თვეში დაიბადნენ:
5 ქისლევს — რაბი შმუელ ელიეზარ ეიდელსი (მაარაშა)
8 ქისლევს — მიტელერ რებე
11 ქისლევს — რაბი შლომო ლურიე (მაარშალი)
15 ქისლევს — რაბი იეჰუდა ჰანასი (მიშნის ავტორი)
25 ქისლევს — რაბი შლომო ზალმანი, (ვილენელი გაონის მამა)
14 ქისლევს შედგა მეშვიდე ლუბავიჩელი რებეს მენახემ მენდელისა და ხაია მუშკა შნეერსონის ქორწილი.
19 ქისლევი ხასიდიზმის ახალი წელია. ამ დღეს პეტროპავლოვსკის ციხიდან გაათავისუფლეს რაბი შნეურ ზალმანი ლიადიდან (ალტერ რებე).
წელს ქისლევის როშ ხოდეში 16 ნოემბრის საღამოს იწყება და ერთდღიანია
როშ ხოდეშ ტოვ!
... See MoreSee Less

ქისლევის როშ ხოდეში
თუ თიშრეიდან ავითვლით, ქისლევი ებრაულ კალენდარში მესამე თვეა, ხოლო ნისანიდან ათვლისას- მეცხრე. შეესაბამება ნოემბერ-დეკემბერს, ქისლევი 29 ან 30 დღიანია. ქისლევის როშ ხოდეში შეიძლება იყოს ერთდღიანი ან ორდღიანი, რაც დამოკიდებულია მისი წინამორბედ თვეზე — ხეშვანზე.
ქისლევის თანავარსკვლავედი არის კეშეტი (,,მშვილდოსანი“), რაც ივრითიდან თარგმანში ნიშნავს ,,მშვილდს“ ან ,,ცისარტყელას.“ როგორც ცნობილია, ყველაზე პირველი ცისარტყელა ცაზე ქისლევის თვეში გამოჩნდა, რომელიც უზენაესმა ნოახს წარღვნის დასასრულის ნიშნად გამოუგზავნა: ,, მე გაძლევ ჩემს ცისარტყელას და ის იქნება ნიშანი ჩემსა და დედამიწას შორის კავშირისა“ (ბერეშით, 9). გადმოცემის თანახმად, ეს სიტყვები ნოახმა ქისლევის როშ ხოდეშში მოისმინა. თვეს შეესაბამება ასო - სამეხ, მუხლი - ბინიამინის, გრძნობა -ძილი (შეინა).
თორაში ნახსენები ყველა სიზმარი შედის იმ საკვირაო თავებში, რომლებიც ქისლევში იკითხება. როცა ადამიანი ჰაშემზე ბოლომდეა მინდობილი, ის კარგ სიზმრებს ხედავს. ღამით კარგი სიზმარი დღის მანძილზე კარგი აზრების გარანტიაა, ამიტომაც ამბობენ ხასიდები: ,,იფიქრე კარგად და მოხდება კარგი.“
ქისლევში აღინიშნება ბრძენების მიერ დადგენილი დღესასწაული ხანუქა. ხაშმონელების პერიოდში 25 ქისლევს მოხდა ბერძნების მიერ წაბილწული ტაძრის განახლება. ამიტომ ხანუქის დღესასწაული 25 ქისლევს იწყება. 
ამ თვეში დაბადებული ადამიანები უსაზღვრო ოპტიმიზმითა და პოზიტიური ხასიათით არიან დაჯილდოებულნი. ისინი მშვიდი, პატიოსანი, პირდაპირი ადამიანები არიან და არ მალავენ საკუთარ მოსაზრებებს. კომუნიკაბელურობა და გულგახსნილობა კი მათ ცხოვრების სირთულეებთან გამკლავებაში ეხმარება.
ქისლევის თვეში დაიბადნენ: 
5 ქისლევს — რაბი შმუელ ელიეზარ ეიდელსი (მაარაშა)
8 ქისლევს  — მიტელერ რებე
11 ქისლევს — რაბი შლომო ლურიე (მაარშალი)
15 ქისლევს — რაბი იეჰუდა ჰანასი (მიშნის ავტორი)
25 ქისლევს — რაბი შლომო ზალმანი, (ვილენელი გაონის მამა)
14 ქისლევს შედგა მეშვიდე ლუბავიჩელი რებეს მენახემ მენდელისა და ხაია მუშკა შნეერსონის ქორწილი.
19 ქისლევი ხასიდიზმის ახალი წელია. ამ დღეს პეტროპავლოვსკის ციხიდან გაათავისუფლეს რაბი შნეურ ზალმანი ლიადიდან (ალტერ რებე). 
წელს ქისლევის როშ ხოდეში 16 ნოემბრის საღამოს იწყება და ერთდღიანია
როშ ხოდეშ ტოვ!

Comment on Facebook

רוש חודש טוב ומבורך לכל עם ישראל

Ходеш Кислев тов ве самеах!🙏✡️🎉

Ходеш тов

View more comments

თორის საკვირაო თავი ,,ხაიე სარა“
,,და გამოვიდა იცხაკი ველზე სასეირნოდ საღამო ჟამს, აღაპყრო თვალი და დაინახა...“(24:63).

წინსვლა
ერთხელ, ცნობილ რავინთან ერთი ებრაელი მივიდა და ამაყად განუცხადა:
- რებე! ცოტა ხნის უკან გაგებაში არ ვიყავი, რა იყო იუდაიზმი, ახლა კი ყოველ შაბათს სინაგოგაში ვარ, წესის მიხედვით თეფილინს ვიდებ, ვკითხულიბ ,,შმას“ და თორის საკვირაო თავს. დიდი სურვილი მაქვს უფრო წინ წავიწიო. როგორ ფიქრობთ, რა უნდა იყოს ჩემი შემდეგი ნაბიჯი?
-წინსვლის სურვილი უკვე ნაბიჯია — უპასუხა რებემ, მაგრამ სერიოზულად თუ გინდა, გეტყვი, რომ უზენაესის მოტყუებას უნდა გადაეჩვიო.
-რას ბრძანებთ, რებე, რა მოტყუება? — აღშფოთდა ებრაელი
-მოდი, ჩამოვსხდეთ და მომისმინე, — სკამი შესთავაზა რებემ სტუმარს,— შენ ყოველ შაბათს ,,ამიდას“ ლოცვაში უზენაესს უამრავ რამეს სთხოვ, მაგრამ რას აძლევ სამაგიეროდ? მხოლოდ დაპირებას: ,,ვიქნები შენი მადლიერი და ხოტბას შეგასხამ დილით, დღისითა და საღამოს.“ ამ დროს შენ სამ ლოცვას გულისხმობ: დილის ლოცვას — შახარითს, შუადღისშემდგომ ლოცვას — მინხას და საღამოს ლოცვას — მაარივს. რა გამოდის? შაბათს ჰპირდები, რომ დღეში სამჯერ ილოცებ, თავად კი კვირაში ერთხელ ლოცულობ. განა ეს მოტყუება არ არის? საერთოდ იცოდე, დაპირებები ხშირად მოტყუებით სრულდება, ეცადე მათ გარეშე გახვიდე იოლად.
-რაღაც ვერ გავიგე, რებე! ესე იგი, თუ არ შევპირდები, შემიძლია არც ვილოცო?
- ოო, შენ ნამდვილად ვერ მიხვდი! დახედე, სიტყვები —,,მადლიერი ვიქნები შენი“ შეიძლება გავიგოთ, როგორც დაპირება და როგორც მოქმედება. ჩემი მასწავლებელი დაპირებებზე ასე ამბობდა: ,,სულელი იმას გპირდება, რისი გაკეთებაც საჭირო არ არის, არამზადა იმას გპირდება, რის გაკეთებასაც ვერ შესძლებს, ეშმაკი ადამიანი იმას გპირდება, რისი გაკეთება ისედაც ევალება, მხოლოდ ბრძენი ადამიანი არ ჰპირდება არავის არაფერს.“ ასე, რომ გადაეჩვიე დაპირებას და დაიწყე ლოცვა, დასაწყისისთვის ,,შმონე ესრე“ ან ,,ამიდა“ ილოცე, ეს ლოცვები ყოველდღიური ლოცვების საფუძველია და მათი წაკითხვა ათ-თხუთმეტ წუთს წაგართმევს. რას უწოდებდი ადამიანს, ვისაც სამყაროს სიკეთეების მისაღებად ათიოდე წუთი ენანება?
-რა თქმა უნდა, სულელს, რებე!
-ოჰო! ვხედავ, რომ შენ ერთი ნაბიჯით წინ წაიწიე!

შენიშვნა: შახარითი, მინხა და მაარივი ჩვენს წინაპარ მამებს — აბრაჰამს, იცხაკსა და იაკობს უკავშირდება. აბრაჰამმა დანერგა დილის ლოცვა- შახარითი, იცხაკმა -შუადღისშემდგომი ლოცვა -მინხა, ხოლო იაკობმა- მაარივი. ,,მინხას“ მნიშვნელობა განსაკუთრებულად დიდია: ,,შახარითი“ ილოცება დილით, როცა ახალი დღე თავისი საზრუნავით ჯერ არ დაწყებულა. ,,მინხას“ კი სამუშაო დღის გაგანიაში ლოცულობენ, ამიტომ ყველა საქმიანობისგან მოწყვეტას დიდი ძალისხმევა სჭირდება. ,,მინხა“ ებრაული რწმენისა და უზენაესის მსახურებისთვის მზადყოფნის მკაფიო გამოხატულებაა (,,კიცურ შულხან არუხ“).

შაბათ შალომ! რაბი მეირ კოზლოვსკი
შაბათის შემობრძანება: 17:24
შაბათის გასვლა: 18:25
... See MoreSee Less

თორის საკვირაო თავი ,,ხაიე სარა“
,,და გამოვიდა იცხაკი ველზე სასეირნოდ საღამო ჟამს, აღაპყრო თვალი და დაინახა...“(24:63).

წინსვლა
ერთხელ, ცნობილ რავინთან ერთი ებრაელი მივიდა და ამაყად განუცხადა:
- რებე! ცოტა ხნის უკან გაგებაში არ ვიყავი, რა იყო იუდაიზმი, ახლა კი ყოველ შაბათს სინაგოგაში ვარ, წესის მიხედვით თეფილინს ვიდებ, ვკითხულიბ ,,შმას“ და თორის საკვირაო თავს. დიდი სურვილი მაქვს უფრო წინ წავიწიო. როგორ ფიქრობთ, რა უნდა იყოს ჩემი შემდეგი ნაბიჯი?
-წინსვლის სურვილი უკვე ნაბიჯია — უპასუხა რებემ, მაგრამ სერიოზულად თუ გინდა, გეტყვი, რომ უზენაესის მოტყუებას უნდა გადაეჩვიო.
-რას ბრძანებთ, რებე, რა მოტყუება? — აღშფოთდა ებრაელი
-მოდი, ჩამოვსხდეთ და მომისმინე, — სკამი შესთავაზა რებემ სტუმარს,— შენ ყოველ შაბათს ,,ამიდას“ ლოცვაში უზენაესს უამრავ რამეს სთხოვ, მაგრამ რას აძლევ სამაგიეროდ? მხოლოდ დაპირებას: ,,ვიქნები შენი მადლიერი და ხოტბას შეგასხამ დილით, დღისითა და საღამოს.“ ამ დროს შენ სამ ლოცვას გულისხმობ: დილის ლოცვას — შახარითს, შუადღისშემდგომ ლოცვას — მინხას და საღამოს ლოცვას — მაარივს. რა გამოდის? შაბათს ჰპირდები, რომ დღეში სამჯერ ილოცებ, თავად კი კვირაში ერთხელ ლოცულობ. განა ეს მოტყუება არ არის? საერთოდ იცოდე, დაპირებები ხშირად მოტყუებით სრულდება, ეცადე მათ გარეშე გახვიდე იოლად.
-რაღაც ვერ გავიგე, რებე! ესე იგი, თუ არ შევპირდები, შემიძლია არც ვილოცო? 
- ოო, შენ ნამდვილად ვერ მიხვდი! დახედე, სიტყვები —,,მადლიერი ვიქნები შენი“ შეიძლება გავიგოთ, როგორც დაპირება და როგორც მოქმედება. ჩემი მასწავლებელი დაპირებებზე ასე ამბობდა: ,,სულელი იმას გპირდება, რისი გაკეთებაც საჭირო არ არის, არამზადა იმას გპირდება, რის გაკეთებასაც ვერ შესძლებს, ეშმაკი ადამიანი იმას გპირდება, რისი გაკეთება ისედაც ევალება, მხოლოდ ბრძენი ადამიანი არ ჰპირდება არავის არაფერს.“ ასე, რომ გადაეჩვიე დაპირებას და დაიწყე ლოცვა, დასაწყისისთვის ,,შმონე ესრე“ ან ,,ამიდა“ ილოცე, ეს ლოცვები ყოველდღიური ლოცვების საფუძველია და მათი წაკითხვა ათ-თხუთმეტ წუთს წაგართმევს. რას უწოდებდი ადამიანს, ვისაც სამყაროს სიკეთეების მისაღებად ათიოდე წუთი ენანება?
-რა თქმა უნდა, სულელს, რებე!
-ოჰო! ვხედავ, რომ შენ ერთი ნაბიჯით წინ წაიწიე! 

შენიშვნა: შახარითი, მინხა და მაარივი ჩვენს წინაპარ მამებს — აბრაჰამს, იცხაკსა და იაკობს უკავშირდება. აბრაჰამმა დანერგა დილის ლოცვა- შახარითი, იცხაკმა -შუადღისშემდგომი ლოცვა -მინხა, ხოლო იაკობმა- მაარივი. ,,მინხას“ მნიშვნელობა განსაკუთრებულად დიდია: ,,შახარითი“ ილოცება დილით, როცა ახალი დღე თავისი საზრუნავით ჯერ არ დაწყებულა. ,,მინხას“ კი სამუშაო დღის გაგანიაში ლოცულობენ, ამიტომ ყველა საქმიანობისგან მოწყვეტას დიდი ძალისხმევა სჭირდება. ,,მინხა“ ებრაული რწმენისა და უზენაესის მსახურებისთვის მზადყოფნის მკაფიო გამოხატულებაა (,,კიცურ შულხან არუხ“).

შაბათ შალომ! რაბი მეირ კოზლოვსკი
შაბათის შემობრძანება: 17:24
შაბათის გასვლა: 18:25

Comment on Facebook

שבת שלום!🙏🙏

ბედნიეოი და მხიარული შაბათი ყველა ჩვენთაგანს! შაბათ შალომ!

View more comments

קבוצת הוואצאפ שלנו